ORGANISAZIUN

Il lavuratori communal da Trin ademplescha diversas incumbensas impurtantas en la vischnanca:

Vias

Il mantegniment ed il nettegiament da tut las vias, ils passapes, ils parcadis, ils implants publics e las zonas verdas è l’incumbensa dal lavuratori communal.

Rumida da la naiv

La rumida da la naiv sin vias communalas e passapes è in’incumbensa quotidiana durant ils mais d’enviern.

Provediment cun aua

Part dal provediment cun aua fa il mantegniment dals reservuars, da la rait da prestaziun e da las funtaunas publicas, la controlla dals idrants e da l’aua da stizzar fieu per ils pumpiers sco era la surveglianza e protecziun da la qualitad d’aua excellenta.

Aua persa / chanalisaziun

In’ulteriura incumbensa impurtanta è il mantegniment da la chanalisaziun.

Allontanament dal rument

Il lavuratori communal surpiglia la controlla da la gestiun dals ruments, da la deponia da rument verd ed il mantegniment dal center da rimnada e dals indrizs d’allontanament.

Implant da sport Prau Davon, Val Bergla

Tar las ulteriuras incumbensas tutgan er il mantegniment e la tgira dals implants da sport.

Santeri

Il lavuratori communal surpiglia il mantegniment e la tgira dal santeri sco era la preparaziun da las sutterradas e da las deposiziuns d’urnas.

Alps e pastgiras

Er il mantegniment dals edifizis d’alp, da las funtaunas sin las pastgiras, dal provediment cun aua e dals implants per il manaschi d’alp è incumbensa dal lavuratori communal.