Actualmein ei l’aspect dalla via principala tras Trin Vitg aunc marcau da sia funcziun anteriura sco via chantunala. Cun la construcziun dil tunnel d’evitaziun igl onn 1994 ha Trin saviu vegnir deliberada dil traffic da transit. Tuttina ei la separaziun dil spazi dalla via en ina via da carrar ed en (stretgs) spazis da sentupada e da vegnir a pei per il traffic pedonal restada existenta. Oz ei la vischnaunca confruntada cun differentas sfidas per liung dalla traversada dil vitg.
En in vast concept da menaschi e da furmaziun (CMF) ha la vischnaunca, ensemen cun in biro da planisaziun dil spazi e dil traffic sco era cun ina gruppa da lavur accumpignonta, prendiu si questas sfidas. Cun il CMF avon maun duei la via principala vegnir sviluppada vinavon en ina vera via da vitg. D’ina vart duessan la via ed il plaz dil vitg puspei ademplir lur impurtonta funcziun sco spazi d’inscunter. Da l’autra vart duei vegnir meglierada specialmein la situaziun dil traffic pedonal ed ei duei vegnir pusseibilitada ina menaschiada continua per persunas a pei. Quei vegn contonschiu cun ina reducziun dallas spertas ed ina nova repartiziun dil spazi en il spazi da via futur.
Tenor la lescha federala davart l’egualitad da persunas cun impediments (BehiG) ston las fermadas d’autobus vegnir concepidas senza barrieras.
La vischnaunca da Trin ha envidau la populaziun interessada da participar al concept da menaschi e da furmaziun Trin Vitg.
Ils resultats dalla procedura da participaziun ein avon maun: Resultats dalla procedura da participaziun