Pumpiers Trin
Il diember, la sort e la dimensiun dils cass da donns ein semidai ils davos onns talmein che quei ha era giu consequenzas per las acziuns dils pumpiers. Grazia al svilup da novas e meglieras tecnicas da stizzar fiugs, han ins saviu reducir ils davos 25 onns il diember da persunal da 120 a 45 umens e dunnas.
Per saver garantir il diember da pumpiers necessaris per in eveniment grond, collaboreschan ils pumpiers da Trin stretgamein cun ils pumpiers da Flem. Mintg'onn vegnan organisai exercezis communabels dalla squadra e dil cader.
La buna collaboraziun han ils pumpiers gia saviu demonstrar pliras ga a moda impressiunonta. Aschia per exempel a caschun digl incendi devastont dil vitg da Flem dils 6 da zercladur 2006 e naturalmein a caschun dil barschament egl uaul da protecziun sur Trin ils 29 d'avrel 2010. Per garantir las prestaziuns e cumpensar eventualas partenzas ein ils pumpiers dependents dalla beinvulientscha dalla populaziun. Mintga persuna denter 18 e 42 onns sa prestar survetsch da pumpiers. Tgi che ha interess sa s'annunziar da tut temps tier il commando ni tier la vischnaunca da Trin.
| Avon igl onn 2000 | Oz | |
| Num: | Pumpiers Trin | Pumpiers Trin |
| Diember: | 120 umens | 45 umens e dunnas |
| Mittel: | auto cun scala | auto-cistiarna |
| auto cun uders | auto da pichet | |
| MS tip 2 | MS tip 2 | |
| bus AS | ||
| mondura blaua | vestgadira che protegia encunter fiug |
|
Particularitad |
- Pli baul: igl entir material era repartius sin siat loghens ellas treis fracziuns |
| - Oz: il material ei deponius en in liug central el vitg. |
Pagina-web
https://www.webmembers.ch/public/FW%20Trin