Local da giuventetgna
Il local da giuventetgna a Flem sedrezza a tuttas scolaras e tuts scolars dil scalem superiur da Flem/Trin. El local da giuventetgna dat ei negin sforz da consumaziun. Cheu san ils giuvenils cuntentar lur basegns culturals e viver lur stil da veta. Igl ei in liug da sentupada per tgirar contacts socials e far enzatgei ensemen. Il local da giuventetgna vegn tgiraus dalla lavur cun giuvenils. Ella stat a disposiziun als giuvenils al liug per discuors ed informaziuns. Il reglament da menaschi sto vegnir observaus da tut las visitadras e tut ils visitaders dil local.
Il local da giuventetgna Flem sesanfla egl anteriur tschaler da refugi dalla sala da gimnastica veglia che vegn duvrada oz sco halla d'events.
Il local da giuventetgna porscha:
- stanza da disco
- stanza cun canapés e meisas
- cuschina cun bar e pusseivladads da cuschinar
- giugs: billard, darts, ballapei da meisa
- kiosc
Ultra da quei san ins era organisar projects el local da giuventetgna. Giuvenils che vulan midar enzatgei ni organisar ina sera el local da giuventetgna (party, sera da kino, etc.) san s'annunziar tier l'assistenta da giuvenils.
Il local da giuventetgna ei per regla aviarts igl entir onn il vendergis sera dallas 19.00 tochen las 22.00. Igl ei adina pusseivel d'organisar ulteriurs temps d'avertura ni prolungir il temps d'avertura existent, sch'ils giuvenils realiseschan lur ideas e gidan d'organisar occurrenzas.
DA NIEV dat ei il «biro da giuventetgna»!
Has ti quitaus ni enqueras ti cussegl? La lavur cun giuvenils porscha a ti in support cumpetent mintgamai il margis e la gievgia, dallas 14:00 tochen las 17:00 el biro (casa da scola veglia, 1. alzada).
Contact:
Conni Marugg
079 372 25 97
Jugendarbeit [at] gemeindeflims [dot] ch ()