Tgi enconuscha buc il Lag la Cresta idillic denter Trin e Flem? Oravontut ils meins da stad gaudan biars indigens e hosps da star a sulegl ni da sesferdentar ell'aua dil Lag la Cresta.
Aunc oz san ins mo specular cura e co il Lag la Cresta ei seformaus. Siu origin ha el probablamein ella bova da crappa da Flem ch'ei succedida alla fin dil davos temps da glatsch. Il Lag la Cresta ha ina surfatscha da rodund 47'000 m2. 4/7 sesanflan sin territori dalla vischnaunca da Flem e 3/7 sin territori dalla vischnaunca da Trin.
Il bogn natural ei aviarts duront la stagiun da stad – tut tenor l'aura – naven da
ca. l'entschatta/miez matg tochen
ca. miez settember
e vegn survegliaus e tgiraus d'in guardiabogn.
Per far diever dil bogn natural Lag la Cresta ston ins pagar entrada.
Ulteriuras informaziuns sut www.restaurant-crestasee.ch /
hallo [at] restaurant-crestasee [dot] ch
Igl ei buca lubiu da pescar el Lag la Cresta! (lag privat)