Dretg da votar e d'eleger
Sche Vus haveis silmeins 18 onns, possedis il dretg da burgheis svizzer, vivis en Svizra ed essas buca sut curatella cumplessiva pervia d'inhabilitad permanenta da giudicar (ni vegnis representai d'in/a mandatari/a), astgeis Vus participar allas votaziuns ed elecziuns federalas, cantunalas e communalas. Sut quellas cundiziuns saveis Vus era far ni suttascriver in referendum e lantschar ni suttascriver in'iniziativa dil pievel.
Lungatg dil material da votaziun
Allas votaziuns dil pievel dils 2 da december 2001 ein ils documents da votaziun cantunals vegni reparti l'emprema ga era en rumantsch grischun. Las persunas cun dretg da votar san decider en tgei lungatg ufficial ch'ellas vulan survegnir ils documents da votaziun cantunals. En cass che Vus giavischeis ils documents da votaziun cantunals en rumantsch grischun ni talian, supplichein nus Vus da communicar quei a nus.
Ils documents sin plaun federal dat ei en rumantsch grischun, tudestg, talian e franzos. Sin giavisch saveis Vus era empustar quei material da votar en in auter lungatg naziunal.
Temps d'avertura dallas urnas
Las urnas vegnan tschentadas si:
| Trin Vitg (casa communala) | |
| Dumengia da votaziun | 9:30 tochen 10:00 |
| Trin Digg (Via Davos Crap) | |
| Dumengia da votaziun | 9:00 tochen 9:30 |
| Trin Mulin (resgia) | |
| Dumengia da votaziun | 9:00 tochen 9:30 |
Plinavon vegn l'urna tschentada si per la votaziun al spurtegl dalla canzlia communala: gliendisgis tochen vendergis dallas 8:00 tochen las 11:30 e dallas 14:00 tochen las 17:00.
Termins
Votaziun federala/cantunala dil pievel:
• 7 da mars 2021