| Uffeci da baghegiar Trin | |
| Jean-Marc Rietmann | telefon 081 635 11 37 |
| Via Prinicpala 59 | fax 081 635 17 94 |
| 7014 Trin | e-mail jm [dot] rietmann [at] gemeindetrin [dot] ch |
| Menader dil sectur da construcziun | |
| Luis Casty | |
| Via Principala 59 | mobile 079 340 18 11 |
| 7014 Trin | e-mail casty [at] betosan [dot] ch |
L'administraziun communala ei responsabla per l'organisaziun administrativa dallas proceduras per la lubientscha da baghegiar, quei vul dir ella dat ils formulars per damondas da baghegiar, approbescha las damondas da baghegiar e prepara ellas per mauns dalla cumissiun da construcziun.
Procedura d'annunzia
Per pintgas transformaziuns da baghetgs che han buca per consequenza ina midada digl intent ni dalla fatschada san ins far diever dalla procedura d'annunzia. Il formular per la procedura d'annunzia sto vegnir inoltraus en dus exemplars ensemen cun ina skizza ni in plan dalla midada dil baghetg planisada.
Damondas da baghegiar enteifer la zona da construcziun
Da damondas da baghegiar per edifecis enteifer la zona da construcziun sto vegnir inoltrau dus exemplars alla vischnaunca. Sch'ina lubientscha dalla polizia da fiug ei necessaria, supplichein nus Vus d'aschuntar in ulteriur set da plans.
Damondas da baghegiar ordeifer la zona da construcziun
Per edifecis ordeifer la zona da construcziun sto vegnir inoltrau supplementarmein treis exemplars dil «Formular per damondas da baghegiar per edifecis e stabiliments ordeifer la zona da construcziun» digl Uffeci per il svilup dil territori. Dils plans sto en quei cass vegnir furniu 5 exemplars. Sch'ina lubientscha dalla polizia da fiug ei necessaria, supplichein nus Vus d'aschuntar in ulteriur set da plans.
La damonda da baghegiar vegn examinada d'ina cumissiun da construcziun e suttamessa cun ina proposta alla suprastonza communala per approbar/refusar. Per edifecis e stabiliments ordeifer la zona da construcziun drova ei plinavon ina lubientscha digl Uffeci per il svilup dil territori dil cantun Grischun, Cuera.
Informaziuns dat il menader dil sectur da construcziun e president dalla cumissiun da construcziun Luis Casty. Ils formulars san ins retrer dall'administraziun communala ni cargar giu digl internet. Formulars per damondas da baghegiar ordeifer la zona da construcziun anflan ins sin www.are.gr.ch.
Formulars:
- Damonda da baghegiar ordinaria
- Calculaziun dalla surfatscha d'alzada brutta (cefra d'utilisaziun)
- Communicaziun alla polizia da construcziun
- Formular davart la protecziun encunter radon
- Flyer davart radon
Leschas:
- Lescha da construcziun
- Lescha davart la planisaziun dil territori dil cantun Grischun
- Ordinaziun davart la planisaziun dil territori dil cantun Grischun